The different prayer rituals in Khmer practice

via Thmey Thmey, 30 August 2021: A story in Khmer about the different kinds of prayer rituals that can be observed in the temples of Angkor today. h/t to Alison in Cambodia.

អ្នកស្រាវជ្រាវ និងបុរាណវិទូ លោក អ៊ឹម សុខរិទ្ធី បានព្យាយាមពន្យល់ និងវែកញែកច្បាស់លាស់ចំពោះពិធីនៃកិច្ចទាំងពីរ។ ទីមួយ ពិធីបួងសួងសុំមុនរៀបចំកិច្ចផ្សេងៗ។ ពិធីនេះតែងធ្វើនៅពេលព្រឹក ក្នុងបំណងដើម្បីសុំការអនុញ្ញាតដើម្បីដំណើរការងារផ្សេងៗ ដ្បិតថា ក្នុងជំនឿខ្មែរគេជឿថា មានក្រុមអមនុស្សដែលរស់នៅក្នុងបរិយាកាសដូចមនុស្សដែរ គ្រាន់តែគេមើលមិនឃើញ។ ដូច្នេះ ការរៀបចំពិធីនេះ ក្នុងន័យសុំការអនុញ្ញាត ខ្លាចប៉ះពាល់ ឬជូនជាដំណឹងថា គេនឹងរៀបចំជួសជុល ឬសាងសង់អ្វីមួយនៅទីតាំងនោះ។

នៅតំបន់ប្រាសាទនាខេត្តសៀមរាប ពិធីនេះ តែងរៀបចំនៅមុន មានការបើកការដ្ឋានជួសជុលនៅទីតាំងណាមួយ ក្នុងន័យថែរក្សា សុវត្ថិភាពដល់កម្មករ ឬឱ្យការងារទាំងមូលសម្រេចបានជោគជ័យជាផ្លែផ្កា។ ជំនឿនេះក៏ធ្វើឡើងនៅតាមតំបន់ផ្សេងដែរ ដូចជាការសាងសង់ផ្ទះ សំណង់ផ្សេងៗ។ល។ ប្រជាពលរដ្ឋជឿថា បើពុំបានរៀបចំ ដូចខុសឆ្គងរឿងអ្វីមួយយ៉ាងដូច្នោះដែរ ហើយមានអារម្មណ៍ថា នៅមិនសុខស្រណុកជាដើម។

Source: លោក អ៊ឹម សុខរិទ្ធី ពន្យល់ពីអត្ថន័យនៃកិច្ចពិធីបួងសួងផ្សេងៗតាមជំនឿរបស់ខ្មែរ