Apsara Authority completes renovation of temple at Beng Melea

via PostKhmer, 03 June 2021: Khmer article about the newly restored Ptei temple, in the baray of Beng Mealea.

អាជ្ញាធរ​ជាតិ​អប្សរា​បាន​បញ្ចប់​ការងារ​ជួសជុល​ប្រាសាទ​ផ្ទី​ដែល​ស្ថិតនៅ​កណ្ដាល​បារាយណ៍​នៃ​បណ្តុំ​ប្រាសាទបេង​មាលា និង​កំពុង​បន្ត​ជួសជុល​កែលម្អ​ប្រាសាទ​មួយ​ចំនួន​ជា​បន្តបន្ទាប់​ទៀត ដែលជា​ផ្នែក​មួយ​នៃ​ការអភិរក្ស​ប្រាសាទបុរាណ​។

លោក គឹម សុធិន អគ្គនាយករង​អាជ្ញាធរ​ជាតិ​អប្សរា ថ្លែង​ថា ការជួសជុល​ប្រាសាទ​ផ្ទី​បាន​សម្រេច​រួចរាល់​ហើយ​នៅ​ចុងខែ​ឧសភា បន្ទាប់ពី​ចាប់ផ្តើម​ដំណើរការ​នៅ​ដើមខែ​មេសា​។ នៅ​ដើមខែ​មីនា ការធ្វើ​កំណាយ​ពិនិត្យ​រចនាសម្ព័ន្ធ​ប្រាសាទ​នេះ​បាន​ចាប់ផ្តើម និង​ឈានដល់​ការជួសជុល​លើក​តម្លៃ​ឡើងវិញ ក្រោម​ការចូលរួម​ពី​វិស័យ​ឯកជន គឺ​លោកស្រី ម៉ៅ ម៉ាល័យ កែ គឹមយ៉ាន ក្នុង​បំណង​ដើម្បី​ចូលរួម​អភិរក្ស​មរតក​សម្បត្តិ​បេតិកភណ្ឌ​ជាតិ​។

លោក​បាន​ថ្លែងថា​៖ «​ការជួសជុល​ប្រាសាទ​នេះ មាន​ការលំបាក​ខ្លះ​ដែរ ព្រោះ​ការដ្ឋាន​ស្ថិត​នៅ​កណ្ដាល​បារាយណ៍​ក្នុង​ព្រៃ ហើយ​ផ្លូវ​ធ្វើដំណើរ​មាន​ភាព​តូច​បន្ដិច ដែល​ពិបាក​ក្នុង​ការដឹកជញ្ជូន​ថ្ម​តាម​រថយន្ត​ធុន​ធ្ងន់​»​។

Source: អាជ្ញាធរ​ជាតិ​អប្សរា​បញ្ចប់​ការជួសជុល​ប្រាសាទ​ផ្ទី | ភ្នំពេញ ប៉ុស្ដិ៍