Excavations at Kandal province

via Post Khmer, 28 May 2021: Article in Khmer about arcaeological excavations in Kandal province.

ក្រសួង​វប្បធម៌ និង​វិចិត្រសិល្បៈ​សហការ​ជាមួយ​ក្រសួង​សាធារណការ និង​ដឹកជញ្ជូន​បាន​បើក​ការធ្វើ​កំណាយ​ស្ថានីយ​ទួល​អស់លោក (​ស្ថានីយ​បុរាណ​) ស្ថិត​ក្នុង​ឃុំ​ព្រះពុទ្ធ ស្រុក​កណ្តាលស្ទឹង ខេត្ត​កណ្តាល​ដែល​ស្ថានីយ​បុរាណ​នេះ​ស្ថិតនៅ​ចំ​គម្រោង​សាងសង់​ផ្លូវ​ក្រវាត់ក្រុង​ទី ៣​។

រដ្ឋលេខាធិការ​ក្រសួង​វប្បធម៌ និង​វិចិត្រសិល្បៈ​ទទួល​បន្ទុក​ផ្នែក​បុរាណវិទ្យា ឬ​កំណាយ លោក​ ប្រាក់ ស៊ុនណារ៉ា ប្រាប់​ភ្នំពេញ​ប៉ុស្តិ៍ នៅ​ថ្ងៃទី​ ២៨ ​ឧសភា​នេះ​ថា ការធ្វើ​កំណាយ​នេះ ដើម្បី​រក​វត្ថុ​បុរាណ​រក្សាទុក ដោយសារ​តំបន់​នោះ​ស្ថិតនៅ​ចំ​ទីតាំង​ដែល​រដ្ឋាភិបាល​កំពុង​អភិវឌ្ឍន៍​ផ្លូវ​ក្រវាត់ក្រុង​ទី ៣ ដែល​ជា​ប្រយោជន៍​សាធារណៈ​។

លោក​បញ្ជាក់ថា​៖ «​ស្ថានីយ​បុរាណ​ទួល​អស់លោក ដែល​ជា​ស្ថានីយ​បុរាណ​ប៉ះចំ​ខ្សែ​ក្រវាត់ក្រុង​ទី ៣ របស់​រាជរដ្ឋាភិបាល​ក្នុង​ការអភិវឌ្ឍ​ផ្លូវ ជាគោលការណ៍​របស់​ក្រសួង​វប្បធម៌ “​អភិវឌ្ឍន៍ ដើម្បី​អភិរក្ស​” យើង​ត្រូវធ្វើ​ការថ្លឹងថ្លែង ដូច្នេះ​ការអភិវឌ្ឍ​ផ្លូវជាតិ​មួយ​វា​មាន​ទំហំ​ធំធេង ដូច្នេះ​ក្រសួង​ពិចារណា ទៅលើ​ការធ្វើ​កំណាយ​នេះ ដើម្បី​ជា​ដំណោះស្រាយ ហើយ​ការធ្វើ​កំណាយ​នេះ​មិនមែន​តែ​នៅ​ស្រុក​យើង​ទេ នៅ​ប្រទេស​គេ​ក៏​ធ្វើ​អ៊ីចឹង​ដែរ​»​។

Source: ក្រសួង​វប្បធម៌ សហការ​ជាមួយ​ក្រសួង​សាធារណការ បើក​ធ្វើ​កំណាយ​ស្ថានីយ​ទួល​អស់លោក | ភ្នំពេញ ប៉ុស្ដិ៍