Cambodian archaeology students win scholarships in Japan

via ThmeyThmey, 19 November 2021: Two Khmer students from the Faculty of Archaeology win scholarships from the Shinnyo-en Buddhist Association of Japan. Article is in Khmer.

ភ្នំពេញ​៖ និស្សិត​មហាវិទ្យា​ល័យ​បុរាណ​វិទ្យា​ ថ្នាក់​ឆ្នាំ​ទី​២ ជំនាន់​ទី​៣២ ចំនួន​២​រូប ទទួល​បាន​អាហារូបករណ៍​ជា​ថវិកា​ឧបត្ថម្ភ​​ការ​សិក្សា​ ពី​សមាគមពុទ្ធ​សាសនា Shinnyo-en នៃ​ប្រទេស​ជប៉ុន ​សម្រាប់​ការ​សិក្សា​ពី​ឆ្នាំ​ទី​២​រហូត​ដល់​បញ្ចប់​ថ្នាក់​បរិញ្ញាបត្រ​។

និស្សិត​ដែល​ទទួល​អាហារូបករណ៍ ពី​សមាគមពុទ្ធ​សាសនា Shinnyo-en នៃ​ប្រទេស​ជប៉ុន បច្ចុប្បន្ន​កំពុង​​សិក្សា​មាន​៦​នាក់​ ស្ថិត​ក្នុង​ឆ្នាំ​សិក្សា​ផ្សេង​ៗ​គ្នា​។ ជា​ធម្មតា​អាហារូបករណ៍​នេះ​ ក្នុង​មួយ​ឆ្នាំ ផ្ដល់​ឱ្យ​តែ​និស្សិត​២​រូប​ប៉ុណ្ណោះ​ សម្រាប់​មហាវិទ្យា​ល័យ​បុរាណ​វិទ្យា នៅ​សកល​វិទ្យា​ល័យ ភូមិន្ទ​វិចិត្រ​សិល្បៈ​​។

លោក ហុក រិទ្ធី គឺ​ជា​និស្សិត​ឆ្នាំ​ទី​២ ដែល​ទទួល​បាន​អាហារូបករណ៍​ពី​ សមាគមពុទ្ធ​សាសនា Shinnyo-en នៃ​ប្រទេស​ជប៉ុន សម្រាប់​ការ​សិក្សា​ក្នុង​ប្រទេស​កម្ពុជា ​ចាប់​ពី​ឆ្នាំ​ទី​២ ​រហូត​ដល់​បញ្ចប់​​បរិញ្ញាបត្រ​​។ បុរស​កូន​ទី​២​ក្នុង​គ្រួសារ​រូ​ប​នេះ ថា​ប្រាក់​ដែល​បាន​ពី​អាហារូបករណ៍​នេះ នឹង​​​ជួយ​សម្រាល​បន្ទុក​គ្រួសារ​​របស់​លោក​ច្រើន។ លោក​នឹង​យក​ប្រាក់​នោះ ទៅ​ទ្រទ្រង់​ដល់​​ការ​សិក្សា​ ដូច​ជា​ការ​ស្នាក់​នៅ​រាជធានី​ភ្នំពេញ​ ការ​សិក្សា​ភាសា​បរទេស​ក្រៅ​ម៉ោង ដូច​ជា​ភាសា​បារាំង​ និង​ភាសាអង់​គ្លេស​ រួម​ទាំងផ្គត់​ផ្គង់​ដល់​​ការ​សិក្សា​ផ្សេង​ៗ​ទៀត​។

Source: និស្សិត​បុរាណ​វិទ្យា​២​រូប ​បាន​អាហារូបករណ៍ ​ពីសមាគមពុទ្ធ​សាសនា Shinnyo-en នៃ​ប្រទេស​ជប៉ុន